pantun minang

Kaluak Paku kacang Balimbiang Tampuruang lenggang-lenggangkan Bao manurun ka Saruaso Tanamlah siriah jo ureknyo Anak di pangku kamanakan dibimbiang Urang kampuang dipatenggangkan Tenggang nagari jan binaso Tenggang sarato jo adaiknyo
	Pisang ameh bao balaia Masak sabuah di dalam peti Utang ameh buliah dibaia Utang budi di bao mati
Kamudiak sarantak galah Kahilia sarangkuah dayuang Kabukik samo mandaki Kalurah samo manurun Nan barek samo dipikua Nan ringan samo dijinjiang
	Lamak kato dilega bunyi Lamak siriah dilega carano Nan bana kato saiyo Nan rajo kato mufakat
Talangkang carano kaco Badarai carano kandi Pariuak samo rang jarangkan Bacarai karano baso Baranggang karano budi Itu nan samo rang pantangkan
	Nagari bapaga undang Kampuang bapaga jo buek Tiok lasuang ba ayam gadang Salah tampuah buliah diambek

Indak dapek sarimbang padi Batuang dibalah ka parahu Indak dapek bakandak hati Kandak Tuhan nan balaku Limbago jalan batampuah Itu utang niniak mamak Sarugo diiman taguah Narako dilaku awak Kain banamo sarabeta Dibao urang mandacak kudo Bia balain saluak jo deta Namun lataknyo di kapalo juo Ratak limau dek binalu Tumbuah sarumpun di tapi tabek Kok abih raso jo malu Bak kayu tangga pangabek Anak urang kampuang ilalang Nak lalu ka kampuang baso Malu jo sopan kalo ilang Abihlah raso jo pareso Kuaik rumah karano sandi Rusak sandi rumah binaso Kuaik bangso karano budi Rusak budi hancualah bangso Jikok tapacik kato pusako Kato kamudian kato dicari Nak jauah silang sangketo Pahaluih baso jo basi